dunia baru

mana-mana insan yang tak pernah kenal terfaktab boleh la pergi bawak-bawak bertaubat dan bukak hati berkenalan dengan beliau. beliau terfaktab adalah sejenis blog yang cerita pasal cinta tapi bukanlah type yang jiwang meleleh namun ianya adalah kompilasi setori yang mampu buat insan yang baca blog tersebut terasa seperti berada di dunia lain. bukan sahaja sesuai dibaca tatkala jiwa rabak, malah ketika kebahagiaan melanda hubungan anda, lebih bahagia terasa bila bersama terfaktab. acewah... over dok kalu describe terfaktab gitu?

aku stat kenal terfaktab lepas baca sokerleaks. disebabkan aku minat tak sikit perihal bola ni, aku kerap jugeklah jenguk sokerleaks. haa tu pun lepas sokerleaks femes lepas wat intebiu dengan golkiper mesia apek lepas menang piala aff suzuki taun lepas. maknenye aku kenal terfaktab pun lepas beberapa bulan terfaktab wujud di muka bumi ini. lepas kenal terfaktab, aku dah macam addict dengan blog ni. semua yang aku baca mudah sangat nak paham, hadam, gembira dan riang ria tatkala membaca entri baru kat terfaktab. bunyik cam tipu tapi tu la hakikat yang aku terpaksa terima lepas tangkap cintan ngan terfaktab.

dari zaman aku bahagia ngan balak, sampai aku rabak kuciwa clash, lepas tu sampailah aku kapel balik ngan balak aku tu, lepas tu clash lagi. memang terfaktab jadi motivator aku. masa tengah rabak tu la, belek-belek balik entri yang sesuai untuk mengubati jiwa kusut. takdela maksud aku yang terfaktab ni boleh tenangkan jiwa handred persen, tapi entri rabak terfaktab somehow link kita kepada tuhan. bukan cinta sesama homo sapien je, tapi jugak cinta dengan femili dan yang maha pencipta. kalau dulu, aku bleh layan terfaktab sampai tinggal-tinggal solat tau haa... *pengakuan taktau malu. tapi lepas lama-lama kenal hati budi terfaktab yang jugak bawak aku kepada cinta yang Maha Besar, sekarang ni kalau baca entri sparuh pun boleh setop gi solat dulu. lepas tu sambung baca balik lepas aminkan doa. haa... positif tak blog ini?hihihi...


skuad terfaktab bagi aku semua bes-bes and ada kualiti serta kelebihan masing-masing. setiap writer yang pernah keluar masuk memegang jawatan sebagai pencerita kat terfaktab ni, tak pernah pun aku rasa tak bes. bila ada je orang baru join skuad terfaktab, aktiviti selongkar blog dorang mesti takkan aku lepaskan. kehkeh. seronok. macam kenal satu femili yang sangat penuh ngan kasih sayang tapi gila-gila gitu. kalau bayangkan terfaktab ni satu femeli, aku selalu imagine yang lord zara as kakak sulung, nama nami tu abang paling tua, aqram abang jugak, tapi bawah nami sikit. lepas tu yang lain-lain adik-adik pangkat bawah dorang. brader leplep, aku taktau nak letak paling tua ke hape, sebab puaka melampau. ulii azman macam yang bongsu. hee...


lepas kenal terfaktab jugak, aku kenal blog-blog projekomrad dorang yang lain. pseudosains, sarkasis, dan kontrol histeria. seronok baca blog-blog ni semua. tapi mostly kawan-kawan aku tak layan sangat ape yang aku baca ni. aku pun tak paham ape benda yang dorang pikir sampai tak se eksaited aku nak belek blog terfaktab. kesian dorang kan? 


tahniah jugak diucapkan kepada terfaktab sebab berjaya hasilkan baby terfaktab #1 dan selamat sampai ke pintu rumah aku beberapa minggu yang lepas. terus terang cakap, tak puas hati langsung aku baca buku tu! apsal nipis sangat? macam risalah kempen kebersihan je kenipisan nye tu. next buku wat tebal-tebal oke bebeh? tapi ada tapi, walopon nipis namun padat jugak isinye. ulang-ulang kali aku baca. bukan sebab takpaham ke hape, tapi sebab nipis sangat. rase cam tipu je boleh abis bace lam masa taksampai dua jam. 


selamat berumur satu tahun wahai terfaktab yang dikasihi. semoga terfaktab terus sukses walopon ada beberapa golongan yang takpuas hati dengan kewujudan terfaktab, yang dianggap terlalu mengagungkan cinta dan hidup berpasangan. ignore je la orang-orang yang langsung tak memajukan apa benda yang korang wat selama ni ye dak? aku sokong korang sampai beranak pinak bercucu cicit. tu pun kalau aku mampu mengadap kompiter lagi la. stailo jugek aku di masa hadapan; nenek layan terfaktab. muehehe... adios.


btw, ni fb aku kalau-kalau terasa nak kontek. merryayohmat. 

natey

dale jiwo setiap manusio ni mesti ado so sifat, penyaye. atau dale bahaso stendek gak, penyayang. tok kiro la ko manusio ko, ko binatam, ko pokok, ko sapo-sapo pun bulih. begitulah jugok denge diri sayo ni.hee... sifat penyaye ko binatam tu ado sokmo. braso sokmo nk mero binatam-binatam ni, tapi banyok la halange dio. binate pertamo and terakhir lagi la stakat ni huk sayo rajin pero ialah kuro. kuro-kuro kecik huk size skeleng samah tu. mudoh jah nok jago dio. v make pelet huk kala ija tu. kalu xdok, v make kakung pun bulih. letok dio le bekah, cari la gu dio sekor. siye plok ko dio duk sore-sore dih. kito v dio gewe, baru la hidup lebih bermakno. kehkehkeh...

huk sayo pero aritu ado duo ekor. sekor namo jenak, sekor lagi namo jeje. tapi alkisoh nyo, demo duo ni tok hidup lamo. mulo-mulo jeje tu sakit. mato dio tokleh nok bukok, sebab apo sayo toktahu la. lepah wat treatment rende dale air garam tu dio okey la meta. pahtu dio sakit pulok. dale 2-3 minggu gitu, dio mapuh. tinggal la jenak sekor-sekor menjalani kehidupan seharian tanpa gewe tercinta. mungkin jugok sebab kekecewaan dan depresi yang dialami, tok sapa duo bule lepah tu, jenak pulok mapuh ngikut jeje. smuga roh mereka ditempatkan di syurga. amin.

sebenanyo sedak pero kuro ni walopon dio tok besar, tokleh bowok gi derak jale-jale supo kucing, tokleh wat bunyi 'miaw'. sedak kelih dio duk berene dale ai,pah kalu lepah atah lata pun, brehi ngukah. comei dih binate ciptaan Allah ni. lepah mapuh duo ekor kuro ni, ado jugok hajat nok pero lagi mugo lain. tapi ado ore v nasihat free ko sayo. "toksoh la pero gapo-gapo lagi. nayo ko binate tu. nati mapuh lagi pulok. awok tu buke panda sangat nok mero." wuhuhu... sapa hati. napok sangat sayo takdok bakat dih.

eh tapi, selain kuro banyok lagi binate huk sayo tringin sangat nok pero. mulo-mulo sugar glider. rajin dengar dih? sohor jugok binate tu loni. kiro mace jadi trend pulok ore pero gotu. tapi gak nok pero dio buke muroh. make dio pulok milih benar. nok stroberi, betik, buoh-buoh hk sedak-sedak sajo. aih...kalu sayo pero, kaloh la makane tuwe dio. stakat duk harap ko pitih elaun mara v tu, toksoh duk mipi la nok pero sugar glider. stroberi sebule sekali pun tok mampu.hihihi...

sugar glider natam comei!!!

lagi binate huk sayo teringin sangat nok pero ialah hedgehog ataupun bahaso melesia dio panggil landok. dio ni spisis binate comei jugok. gere bena kelih. dohla kecik tok brapo nok besar lah mano, comei. muko dio supo bekeng jah tapi comei. rajin jugok jupo nga dio maso derak gi pasar male putrajaya, sekor bernilai rm150. haa...seyek jugok poket saya selaku pelajar sepenuh masa nok beli dan seterusnya memastikan kebajikan haiwan ini terpelihara. hohoho... mako nyo, kelih sajo...

gere wes nok peluk wat tido. haha

lagi, lagi binate huk sero nok pero ialah... jeng jeng jeng....burung hatu. haaa.... comei kei burung hatu? tok cayo? kelih ni

comei kei tu? tapi nok pero hok ni payoh dih? sebab burung hatu ni bulih kato spisis terpeliharo la jugok. keno ado lesen ko nok pero dio eh? tok pasti pulok sayo. make pun bulih kiro jugok, supo ore. haha. spisis huk ado kat melesia ni pun bersaiz besar. jadinyo, keno make space la kalu nok pero dio. eh, sapo kato burung hatu jago male jah? ado jugok spisis gitu, tapi sebenanyo tok semuo. tok semuo burung hatu ni nocturnal a.k.a aktif di malam hari. ado jugok huk aktif siang hari, and tido di malam hari supo kito manusio. sapo brani pero dio? jom! 

so lagi spisis huk sayo keney nok pero, lamo doh. yak jame skoloh lagi sero nok pero.

haa tu la dio iguana. sebab apo nok pero? sebab dio pasif, malah. supo la nge pranga sayo ni ho. kuikuikui. tapi tu la dio. stakat ni tok mampu lagi nok pero binate huk sayo duk tringin sangat nok pero. maso kecik-kecik mulo ado jugok pero kucing. tapi loni umi sayo tok v pero kucing doh, sebab umi sayo ado resdung. elejik nga bulu kucing. denge status sebagai seore pelajar pun, menjadi halange terbesar jugok untuk pero nate ni. maklum la,pitih pun ore mujo nok bui, kade-kade ujung bule mitok lagi nga umi ayoh. sadis molek. jadi nyo, pase ange-ange, pah tengok sajo....

selagi ado maso

sekak pak limo hari ni pelik bena braso. braso malah pelik nah. tiko musim nok prekso ni la nyo mari segalo nyakit malah hok slamo ni nusuk le guo tu, pakat nok saeng nge kito blako. *supo la slamo ni rajin sangat pun.heheh.. tapi tu la dio. malah belako nok wat kijoe. baco nota tu meme duk patak list dh, esaimen huk bbukit nu pun tinggal selambok gitu jah. baju huk kelik rayo baruni pun tok nyipe lagi,ado dk dale beg lagi. baju cemar toksoh crito la, tok jeling pun eh. paka lepa masuk le rago baju cemar. pah tinggal gi la dio kulat situ. tengok la ujung minggu ni kalu rajin gak basuh la baju tu. nok make pun malah. aduu... kemalase jugok dijadike alase kukuh bakpo blog ni lamo tok apdet. malah sungguh anok daro ni sore. tok juruh lasung. pah gapo jah huk mung rajin buat mekye? tido. haha... tido rajin, lemok pun rajin nok biok le tubuh tu. sapo sapo ado formula guano nk v kito ni rajin sikit? sikit pun takpo doh pado takdok lasung.

napok pesen kalu malah gini ni tokleh nok nikoh lagi. malu kotram. malu ko toktuo. malu ko toklaki baya maskawin tapi bulih bini malah apah. heheh.. pesen malah gini pun takdok harape nok jadi bes student ni. haduu.. guano nok wat eh? nok rizak sedak tapi ngaji malah. bulih pekdoh la duk wat peranga gini gak. cu sapo sapo tulun v rotibasi motivasi sikit ko kito ni, nok suh jadi rajin sikit. bulih? ni malah tahap takdok toleransi doh ni. unta padang pasir pun tak malas macam ni daa...

skeleng samah

pukul 6 pete, stesen bah Koto Baru. Jalil turun dari bah, baru sapa dari Kolupo. 'rindunyo ko Koto Baru'
Jalil duk kecek sore. jalil talipong ko abe dio, Jusoh. 'Abe Soh, kito sapa doh ni. bulih la stat enjen pulah stereng mari Koto Baru ni. bangat sikit be. kito tok sabar nok jupo mek.' lepah letok talipong, Jalil gi duk cokoh atah kusi kayu kat kaki limo bangune SKMK tu.

beley-beley duk nunggu Abe Soh, Jalil prati kotre duk gi mari. brehi bena dio kelih ore-ore tepat gitu. mace-mace pe'el dio bulih kelih. mokcik duk jua etok, pokcik tuo gatih teksi, budok-budok mitok sedekoh brungga gi mari samo-samo pok dio, budok kelik tusyen, budok skoloh maahad tino comei-comei. heheheh

sedak duk prati kotre, Jalil terkelih ko sore pokcik ni, bokok-bokok supo cari mugo hile. ngita kat kaki ore rama hk ado situ. ralit Jalil duk prati, sapa lah pokcik tu mari dekat dio. pokcik tu ngita bowoh kusi, ado mugo bakali. dio kutip. skeleng rego samah. pah dio buh dale jabir rokrak. banyok jugok napok koleksyen dio hari tuh. 'hmm...ni ko kijoe pokcik ni.idup nga kutip pitih ore jah?' Jalil kecek sore dale hati.

pahtu pokcik tu duduk sebeloh dio. Jalil kesok sikit. dio kelih ko pokcik tu, mari raso siye plok. tringat dio ko gemuloh ayoh dio. sero supo nk wat bual pulok nge pokcik ni.

 'asalamualaikum pokcik.' juruh Jalil wi sale.

'waalaikumsalam.' pokcik tu sengih ko Jalil. 'mari mano ni awe?'

'mari Kolupo. baru sapa jah ni. tunggu abe mari ambik'

lamo jugok dio duk bual nge pokcik Mail tu. pahtu Jalil tanyo soale hk dio nok tanyo tadi lagi ko pokcik tu.

'bakpo pokcik duk kutip skeleng? pokcik tok kijo ko?' beraso takut nok tanyo, tapi sero po sedak jah bua nge pokcik ni, Jalil tanyo jugok.

'ore loni tok reti susoh bakali. skeleng jatuh wat dok jah blako. duit ni,kalu spuloh sen takdok, tok cukup jugok sejuto. ko guano?'

Jalil angguk.

'pokcik buke kutip skeleng ko pokcik sediri. pokcik kijo, alik pagi pokcik jua kuih dale pasar Kube Pasu nu.'

'pah pokcik kutip skeleng ni ko sapo?' Jalil braso pelik.

'pokcik kutip sokmo, pah pokcik gi letok kat masjid sebeloh pasar besar nu. daripado duk terabur sajo, baik pokcik wat lagu tu. skure-kure bulih jugok pahalo ko tue duit ni. tapi pokcik sedih jugok, dale tabung dermo masjid tu tok rajin penuh. kalu ado pun, berat nga skeleng. kayo sungguh rakyat Koto Baru ni.'

Jalil senyak tok kato apo. dio mari mikir, bilo ngelah dio dermo ko balasoh, masjid. soh ko dermo, jejok kaki ko masjid pun tiko Jumaat jah. tu pun kalu tok telajok tido sebab kijo overtime.

'awe sokmo ko kelik Koto Baru?' pokcik tu tanyo Jalil. napok Jalil senyak bakali.

'sokmo la jugok. tiko cuti gak, kelik slaluh. puah jugok duk Kolupo. sedak Klate lagi braso.'

'baguh la. rajin-rajin la kelik kelih mok ayoh. pokcik pun duk tunggu anok pokcik balik jugok ni. dio duk kijo kolupo jugok nga bini dio'

'oo...pukul brapo anok pokcik nok sapa?'

'tok tahu la. dekat 7 tahun doh pokcik tunggu dio kelik.'

sayu sungguh braso dale hati Jalil. gitu mo nah saye ayoh ko sore anok. duk meta Abe Soh sapa. Jalil saley nga pokcik tu, mitok diri.

'Abe Soh, kito singgoh kubur ayoh dulu bulih? braso rindu ko ayoh.' berair mato Jalil.