tapi tokleh nk saloh ko penyokong jugok. game slow male. player terlalu berhati hati. napok sangat saye nok sepak derah derah. sapa ko passing pun tok betol.1st haf game tu meme bosey ngelih. tok srupo game final. mujo ganu pn slow jugok. kalu ganu ambak awal awal game lagi? meme keno dulu lagi la TRW. tengok dale tibi pun, penyokong tok brapo nok sorok. bakpo eh? player pn napok down jah. lepah awe sumat gol sutir mulo mulo tu baru napok semangat sikit. tapi tu pn tok lamo. meta jah. lepah daudsu wat gol, koho parok napok. player down, letih, penyokong pn senyak, tok gegey doh. sedih kelih game male. tiko dk main maso tambahe pun, sero supo malah doh nok kelih. nk triok ado jugok braso lepah ganu sumat so gol lagi. haduu laa.... meta meta sero nok deme.
hok bengong sekali dale dunio ni rasonyo penyokong hok lepar bedil tu. oloh darat tok abih abih la. nok suruh royat lagu mano tok tahu la baru nok breti wat kijoe tok pekdoh gitu. po taik pranga! tok guru puah pese, tsam cekak royat doh. tapi hok palo gilo ni meme takdok akal bakali. tok saye ko klate sungguh kakah tu. malu klate, malu tok guru, malu tsam, malu TRW, malu kat ku jah! gilo.
hok gi stadium tu pun, smaye bey ko dok? tau doh, buke semo tinggal maye tu, ado hk buat, tapi brapo ketul jah hok buat suruhe Allah ni. hok musafir tu lain kiro la, mugo bulih jamok. tapi hk mari area lembah klang tu, jamok jugok ko? sebab tu bakali Allah nk tunjuk ko kito. kalu kito tok tinggal dio, dio pun tokke tinggal kito. Allah lebih tahu hok mano terbaik untuk TRW. sajo DIO nk test kito la ni. nok tengok staro mano kito kuat, blaja trimo hakikat kekalohe. buke kaloh, tapi tok mene.
rugi nyo sero tokleh gi stadium. telepah peluwe nok raso suasano final pialo FA. kaloh mene tu adat, tapi suasano gitu buke bulih raso sokmo. semangat tu lagi peting. lagi suko nok kelih merioh nyo bola kito. rindu nok raso suasano tu. rindu nok kelih puok ni sorok. rindu nk wat ombok so stedium.
lepah abih game male tu, aku online la, derak derak dale page TRW. rama sangat tok puah hati. saloh ko daudsu, saloh ko ref, saloh ko penyokong gilo lepar bedil. nok suko pun ado kelih demo ni dk komen, up status sal bola. napok supo so klate kelih bola jah. set penyu hk nok provok pn rama jugok. aloh srabut la. maso ni la baru 'ambe bangge jadi rakyat ganung' 'penyu nelang. kijang terak. bangge weh rase set itang puteh'. meme la sakit hati, tapi nk balas pon tok pekdoh jugok. tokleh kato gapo jugok aku pn. kehkeh.. trimo jah la denge hati terbuko. acu pikir ko prasae player ratek gak. set dio staro mano usoho, main peluh pela, leloh nyak nyak ambat bola, reboh bleping pitah ore, jatuh tunggeng keno tekel. set dio koho parok kecewo kalu nok banding nga set kito penyokong ni. set mung, kalu nok mene sokmo, gi ungga main sediri la atah pade nu. wat la bia mene sokmo sokmo takdok aloh sikit habuk. anda mampu???
aku kelih bola male dale tibi jah, nge ayoh mat. maso nk habis 2nd haf tu, ayoh mat ado jugok sebut. 'bola ni buke bulih kiro. wat nyo ganu sumat gol sbutir lagi gak, parok la klate'. tok dei limo minit ayoh mat oyat gitu, daudsu buh gol sdiri doh! aiii...masin ngoti mulut ayoh mat. bulih jadi ahli nujum dh ni.haha.. tapi napok gayo kecek ayoh mat smale, supo duk alik ganu jh. ayoh mat ni keno baya ko? nombo ic tengoh 03 dih? haha...
kecek sikit: kaloh ko mene ko, cuti jugok klate dih?
