rakyat budu

kalau sebut kelantan, semo ore tahu pahtu mesti ore luar kelate duk terbaye peranga dey jugok pe'el ore kelate huk demo beso jupo. Daripado huk buruk sapa la kepado huk molek-molek. Gi la mano ceruk rato Malaysia ni wojik ado ore kelate. Pah ko lua negaro pun mudoh nok jupo nge ore kelate. Semo ore sedio maklum doh loni rakyat kelate berehi merantau sebab tu mudoh nok jupo ore kelate mano-mano jah. Sapo huk kato ore kelate berhijrah kijo luar kelate sebab kelate mundur, memey manusio tu ketinggale zame. Modal tu ore guno huk maso zame mahadir lagi. Loni pakat tahu doh blako kelate samo maju nge negeri lain. Mungkin lagi maju dari beberapo buoh negeri huk lain samo ado dari segi pembangune mahupun ekonomi. nok bukti? haaa kito bulih buwi,buke kecek sajo nih... tengok sini.

Sebagai seore rakyat kelate huk tidok menetap di kelate selamo beberapo tahun ni, bulih diperati beberapo cirri-ciri nok kenal seseore tu rakyat kelate sejati bernombor ic 03 di tengoh. Semangat negeri kelate meme tokleh nk takwil lagi doh. Setiap rakyat kelate saye dooh nge negeri kije tanoh tupoh daroh dio. antaro huk de sayo kelih iolah:

kecek kelate

Kecek kelate memey tokleh nok susuk kalu de lekat di lidoh. Sebab tu rama ore kelate kalu tra nok kecek lua atau lebih dikenali sebagai ‘cangkap key el’ tetap ado bau budu dio. Slang dio tok lari jauh la. Mudoh sangat nok cey. Sebab tu jugok lah rama ore kelate ni, mudoh-mudoh gak dio tok kecek lua lasung nah. denge lecturer pun nyo gomo kecek kelate. Samo-samo gu kelate lagi la semangat. Kalu jupo tengoh jale samo puok kelate gak, steady jah tegur supo saeng so kapung main dekcok sekali kecik-kecik mulo. Padaha baru jah temu duo minit. Asal ko kelate jah. Mudoh mesro.

Jersi the red warriors

Kelate meme soho sangat denge team hebat bola sepak dio, theredwarriors. Sapo ore kelate tapi sokong buke theredwarriors bulih gi pengsan tengoh jale, tunggu keno gilih ko trela. Gi rato ceruk mano pun, pah ko london nu ado jah rakyat kelate huk paka jersi trw denge banggonyo. gi lah mano-mano pun mudoh nok jupo rakyat kelate huk paka jersi kelate. wat gi pasa male ko, supermarket ko, main futsal ko, dating ko, maye jumaat ko, ngeteh ko, ado jah la di mano-mano. Setiap rakyat kelate sangat berbanggo denge team hero meroh dari mok, bapok, sapa la ko anok-anok minat ko trw. Sapa sanggup bowok anok kecik nge bini masuk stedium tengok bola. Tok habih kalu nok crito pe’el minat ore kelate ko bola ni. pakat tahu blako doh dih? kalu derak beley-beley cuci mato, pah kelih ado insan huk paka jesi trw gak, cey doh tu. cey dio tu ore kelate.

haaa...wembley tuuu

banggo denge kerakyatan kelate

Rajin kelih keto huk nombo plat negeri luar, tapi tepek tebeng sticker lambey negeri kelate? Belana kokna nok kelih huk peseng tu gak. Kito gak kalu gi derak nge saeng-saeng, napok keto gini gak banggo laluh. Beraso supo takdok rakyat negeri lain huk gitumo saye ko negeri dio. Ore kelate cukup banggo untuk ngaku dio tu ore kelate, ic nombo 03, make budu. semangat kenegerian ore kelate pun cukup tinggi. mano ado kito kelih rakyat negeri lain semangat supo kelate ni. tebing dengar negeri dio keno kutuk, maroh saluh. bunyi ado sek kelate keno kuca, bowok geng laluh nok begocoh. aii...gedebe molek. rakyat kelate ni satu padu. setiap rakyat kelate huk ado di negeri luar ni dianggap supo keluargo sediri. Semangat weh nulih entri ni, nok triok sero saye ko kelate. Wuhuuu..

makene

Kalu bab make pulok gak, tok payoh sangat la nok cari makane kelate. Supo sayo huk duk kaje ni, kona tok jauh pun bulih jupo nasi siap nge budu, ike tawa, ule-ule, aye kapung, ike singge, gulai kawoh, mace-mace lah lagi masake ore kelate kito. Bulih jugok la wat ubat rindu ko kelate sekali sekalo walopon tok feel sangat supo duk negeri sediri. Rindu rindu. mano-mano rumoh huk ado skure-kure sore rakyat kelate menghuni, wojik keno ado budu. contoh nyo sayo.ehem.. lain la kalu ore kelate tu tok make budu. pelik la braso ore kelate tok make budu ni. ile saloh satu nikmat dunio. rugi rugi. kalu tembok nge sapo-sapo beli budu atah supermarket tu, 90% kemugkine dio tu adolah rakyat kelate.

ouh sedak oh...hari-hari make gini pun kawe sanggup.

bernego/bisnes

Acu tra derak pasar male, downtown, uptown, bazaar ramadhan ko, mesti rama ore huk nego tu asal kelate. Memey pesen ore kelate ni otok bisnes bakali gak, nok nego belako. Asal napok peluwe nego jah, pakat berebut nok wat pitih. Sebab tu rama ore kelate kelik kapung paka keto besar-besar, wat rumoh besar. Kayo sungguh rakyat kelate hasil usoho sediri, ikhtiar nok majuke diri sediri dey jugok famili. kalu di negeri kelate sediri sohor denge ore tino huk jua di pasar-pasar tapi lua kelate ni tok nati ko ore tino la. ado blako, huk mudo remajo lagi pun bijok doh mikir nk wat pitih nge nego ni. kade-kade kalu derak pasa male pun ambo brehi kecek kelate, kalu keno nasib baik jupo samo ore kelate gak, bulih ngejah rego diskaung. kihkihkih

jale jeng

So lagi pranga kure juruh ore kelate ni bulih sangat napok tiko musim cuti. Rayo mlayu ko, rayo melih lembu ko, rayo tokpek ko, pakat berebut nok kelik klate la huk mano duk luar ni. Kijoe nok menyumbang ko jale sesok jah. Rayo kito,kito kelik. Rayo ore pun brebut nok kelik jugok. tebing ore bui cuti. Koto bharu loni pun bruboh doh. Kalu musim cuti skoloh gak toksoh duk mipi nok masuk Bandar denge harape tok sakut dale jem la. WOJIK eh, WOJIK jem. Brebut nok masuk Bandar tu bakpo gak,dih? Herey la.. hihihi. Rindu eh nok gi derak supo jame sekoloh mulo, naik bah skmk gi tusyen, jale-jale pata timur, make nasik kt pasar mpkb. Srunuk, srunuk.

 jeng nok kelik rayo 2009. huk latest takdok.heheh

Banyok bedooh kalu nok crito pasal kelate dey jugok ore kelate ni. Banyok lagi bendo huk tok sebut sini, sero nok sebut tapi tok mampu doh nok tulih sebab bateri laptop nok mapuh kerah cokeng doh. Mula-mula kito ngarut lagi. Babai.